*Ыччат уонна оҕо аймах үөрүүтэ: «Алмаз» стадиоҥҥа Оҕо көмүскэлин күнэ бэлиэтэннэ* — 1 июня 2026 г. в 07:01:17.222
*Ыччат уонна оҕо аймах үөрүүтэ: «Алмаз» стадиоҥҥа Оҕо көмүскэлин күнэ бэлиэтэннэ* 🌿🌿🌿Оҕо көмүскэлин күнүн бырааһынньыга үрдүк таһымнаах парадтан саҕаланна. Манна оҕо тэрилтэлэрэ, оскуолалара уонна уһуйааннара көхтөөхтүк кытыннылар. Үөрүүнү үллэстэ улуус баһылыга Анатолий Григорьев мустубут оҕолору, төрөппүттэри уонна иитээччилэри сайыҥҥы бастакы бырааһынньыгынан итиитик-истиҥник эҕэрдэлээтэ. Кини оҕо саас умнуллубат кэм буоларын бэлиэтээтэ уонна хас бирдии оҕоҕо сайыҥҥы сынньалаҥ үтүө өрүттээх, дьоллоох, туһалаах буоларыгар баҕарда. Тэрээһин чэрчитинэн араас хайысхалаах маастар-кылаастар тэрилиннилэр. Манна оҕолор бэйэлэрин араас идэҕэ боруобаланан көрдүлөр: сорохтор астык астары астаатылар, сорохтор дьиҥнээх электромонтер идэтин таарыйдылар, айар куттаахтар бэйэлэрин илиилэринэн кэрэ оҥоһуктары оҥорон үөрдүлэр. Хас биирдии оҕо бэйэтигэр сөптөөх, интэриэһинэй дьарыгы булан, саҥа билиини-көрүүнү иҥэриннэ. Бырааһынньык хас биирдии кыттааччыга сырдык өйдөбүлү, элбэх үөрүүнү уонна сайыҥҥы кэмҥэ күүс-көмө буолар сырдык эрэли бэлэхтээтэ. _Сунтаар улууһун дьаһалтатын пресс-сулууспата_