Аҕыс уон биир сыл аннараа өттүгэр Аҕа дойду Улуу сэриитигэр Советскай Сойуус, Саха өрөс... — 14 мая 2026 г. в 08:41:37.538
Аҕыс уон биир сыл аннараа өттүгэр Аҕа дойду Улуу сэриитигэр Советскай Сойуус, Саха өрөспүүбүлүкэтин бары норуотттарын кытта биһиги улууспут үлэһит, хоһуун эр бэртэрэ дойду көмүскэлигэр туруммуттара. Сунтаар улууһун тыһыынчанан ааҕыллар чулуу уолаттара Кыһыл Армия кэккэтигэр ыҥырыллан Москваны, Ленинграды, Сталинграды көмүскээһиҥҥэ кыттыбыттара. Уонтан тахса сыл аннараа өттүгэр Арассыыйа волонтёрдарын “Медведь” этэрээтэ төрүттэммитэ. Киэҥ Арассыыйа үрдүнэн “Медведь” көрдүүр волонтёрскай этэрээт ыҥырыы таһаарбытыгар, Сунтаар улууһуттан “Сонор” волонтёрскай көрдүүр этэрээт тэриллэн – Аҕа дойду сэриитигэр сураҕа суох сүппүт буойуттары, киэҥ туттар килбиэннээх дьоммут кырамталарын булууга, сиэрдээхтик Ийэ сиргэ харайыыга көмөлөһөр соруктаах тэриллибитэ. “Сонор” волонтёрскай көрдүүр этэрээт салайааччыта Сергей Серафимович Иванов. Сиһилии бу сигэнэн киирэн көрүҥ: https://museum-suntar.saha.muzkult.ru/news/141505767