Убаастабыллаах Петр Семенович! — 4 мая 2026 г. в 07:20:05.554
Убаастабыллаах Петр Семенович! Эйигин, СӨ норуотун хаһаайыстыбатын үтүөлээх үлэһитин, «Туймаада агрохолдинг” генеральнай дириэктэрин, республика сайдыытыгар бэриниилээхтик үлэлээбит үтүө киһини, 65 сааскын туолбут өрөгөйдөөх үбүлүөйгүнэн "Сунтаар улууһа (оройуона)" муниципальнай оройуон дьаһалтатын, улуус (оройуон) дьокутааттарын Сэбиэтин уонна тус бэйэбит ааппытыттан истиҥник эҕэрдэлиибит! Петр Семенович, эн өр сылларга норуот хаһаайыстыбатын араас салайар дуоһунастарыгар ситиһиилээхтик үлэлээбитиҥ. Хас үлэлээбит тэрилтэҕэр бэйэҕин дьоһуннаах үлэһит, мындыр салайааччы, сайдыыны тутуһар специалист быһыытынан көрдөрөн, бииргэ үлэлээбит коллективтарыҥ убаастабылын ылбыккыт. Билигин «Туймаада Агрохолдинг” курдук улахан тэрилтэни сатабыллаахтык салайан, Сахабыт сирин тыатын хаһаайыстыбатын сайдыытыгар, аһынан-үөлүнэн хааччыйыыга оҥорор кылааккыт өрөспүүбүлүкэбит инники кэскилигэр улахан суолталаах. Күндү Петр Семенович! Бу үбүлүөй күннээҕи үөрүүгүтүн тэҥҥэ үллэстэбит уонна Эйиэхэ чэгиэн доруобуйаны, үлэҕитигэр үрдүк ситиһиилэри, дьолу-соргуну баҕарабыт. Дьиэ кэргэҥҥит амарах санаата, чугас дьоҥҥут өйөбүлэ сылааһынан угуттаатын, күүскүтүгэр күүс, сэниэҕитигэр сэниэ эптин диэн иһирэх алгыспытын ыытабыт. Сунтаар улууһун баһылыга А.В. Григорьев Улуус дьокутааттарын Сэбиэтин бэрэссэдээтэлэ У.Д. Попова