*Ыһыахтыыр сирбит тупсарыллар: Субуотунньуктар саҕаланнылар!*
*Ыһыахтыыр сирбит тупсарыллар: Субуотунньуктар саҕаланнылар!* 🌿🌿🌿Сунтаар улууһун үбүлүөйдээх ыһыаҕын тэрийэр хамыыһыйа, улуус баһылыга Анатолий Григорьев салайааччылаах, култуура уонна сынньалаҥ пааркатын туругун сиһилии көрдө-иһиттэ. Тэрийээччилэр паарка иһин сыаналаан, ыһыах иннинэ туох уларытыылар, тупсарыылар уонна тутуулар барыахтаахтарын былааннаатылар. Тэрээһин үрдүк таһымнаахтык ааһарын туһугар тутуулары саҥардыыга тиийэ киэҥ далааһыннаах үлэлэр ыытыллыахтара. Бу былааннары олоххо киллэрэр сыалтан, бүгүҥҥү күнтэн саҕалаан паарка территориятыгар улуустааҕы субуотунньуктар биллэрилиннилэр. Тэрилтэлэр уонна олохтоохтор улууспут сүрүн бырааһынньыгын көрсө ыраастаныы уонна бэрээдэктээһин үлэлэригэр көхтөөхтүк кытталлара күүтүллэр. _Сунтаар улууһун дьаһалтатын пресс-сулууспата_