Ытыктабыллаах сүдү киһибит, Сахабыт сирин култууратын талааннаах диэйэтэлэ, биһиги киэ... — 6 июля 2026 г. в 07:22:08.843

Ытыктабыллаах сүдү киһибит, Сахабыт сирин култууратын талааннаах диэйэтэлэ, биһиги киэн туттар киһибит Фрументий Петрович! Эйигин, Саха Өрөспүүбүлүкэтин култууратын туйгунун, Саха Өрөспүүбүлүкэтин култууратын үтүөлээх үлэһитин, Саха Өрөспүүбүлүкэтин култууратын уонна ускуустубатын бочуоттаах үлэһитин, "Гражданскай килбиэн" бэлиэ туһааннааҕын, Сунтаар, Ньурба улуустарын, Түбэй Дьаархан, Акана нэһилиэктэрин бочуоттаах олохтооҕун, дыраама уонна киинэ артыыһын, Сунтаардар киэн туттар киһибитин, 85 сааскын туолбут үбүлүөйдээх күҥҥүнэн итиитик-истиҥник эҕэрдэлиибит! Эһиги олоххут суола – бу барыбытыгар сырдык уонна үтүө холобур. Эһиги талааҥҥыт, үлэҕит, үтүө майгыгыт биһиэхэ куруук сүргэни көтөҕөр, күүһү-уоҕу биэрэр холобур буолар. Саха Өрөспүүбүлүкэтин култууратын сайдыытыгар киллэрбит кылааккыт олус үрдүк. Эһиги дыраама уонна киинэ эйгэтигэр хас биирдии оонньообут оруолгут көрөөччү сүрэҕэр умнуллубаттык хаалла. Эн культура эйгэтигэр киллэрбит кылаатыӈ суолталааҕын "Гражданскай килбиэн" бэлиэ туһааннааҕа буоларгыт, үрдүк наҕараадаларгыт норуоккут иннигэр дьоһуннаах үтүөлээххитин туоһулууллар. Сунтаар уонна Ньурба улуустарыгар, Түбэй Дьаархан уонна Акана нэһилиэктэригэр бочуоттаах олохтоох буоларгыт – эһиэхэ дьон-сэргэ тапталын уонна ытыктабылын көрдөрөр. Ытыктабыллаах Фрументий Петрович! Бу дьоро күҥҥэ Эйиэхэ чэгиэн доруобуйаны, үйэлээх уһун олоҕу, өссө даҕаны айымньылаах ситиһиилэри, дьиэ кэргэҥҥитигэр бары кэрэни, үтүөнү баҕарабыт! Сунтаар улууһун баһылыга А.В.Григорьев Улуус депутаттарын Сэбиэтин бэрэссэдээтэлэ У.Д.Попова