*Саха ырыатын күүһэ Сибиири ааттатта: Туяра Алексеева «Мир Сибири» бэстибээл кыайыылааҕа* — 13 июля 2026 г. в 01:38:39.481
*Саха ырыатын күүһэ Сибиири ааттатта: Туяра Алексеева «Мир Сибири» бэстибээл кыайыылааҕа* 🎵🎵🎵Саха Өрөспүүбүлүкэтин аата өссө төгүл дорҕоонноохтук иһилиннэ! Сунтаар улууһун фольклорга уһуйааччыта, талааннаах солист-вокалист Туяра Алексеева Красноярскай кыраай соҕуруу өттүгэр баар Шушенскай сэлиэнньэтигэр ыытыллыбыт XXI Аан дойдутааҕы этническай музыка «Мир Сибири» фестивалыгар үрдүк кыайыыны ситистэ. Кини этномузыкальнай бириэмийэ номинаннарын ортолоругар бастыҥынан ааттанна. Бэстибээл Сибиир норуоттарын музыкатын, ураты дьарыктарын түмэр уонна тарҕатар биир улахан аан дойду таһымнаах тэрээһининэн буолар. Сыл ахсын элбэх омук бэйэтин култууратын, үгэһин, ураты дьоҕурун көрдөрөр кэрэ түһүлгэтэ. Туяра Алексеева манна Саха сирин аатыттан кытынна уонна Сахабыт норуотун ырыатын, тойугун күүһүн аан дойду таһымыгар таһаарда. Кини дорҕоонноох куолаһа, дириҥ иэйиилээх ырыата дьүүллүүр сүбэ уонна көрөөччүлэр сүрэхтэрин долгутта. Бу курдук Туяра Алексеева кыайыыта Саха Өрөспүүбүлүкэтин этномузыкатын сайдыытыгар саҥа кэрэ түгэни киллэрдэ. Кини холобура эдэр ыччаты төрүт култуураны үөрэтэргэ, кининэн киэн туттарга уонна аан дойду таһымыгар тахсарга көҕүлүөҕэ. Саха ырыатын, тойугун күүһэ өссө да киэҥник тарҕаныаҕа. Кутана нэһилиэгиттэн төрүттээх, С.А. Зверев - Кыыл Уолун аатынан улуустааҕы норуот айымньытын киинин бастыҥ үлэһитин улуус дьаһалтатын аатыттан эҕэрдэлиибит, өссө да ситиһиилэр кэлэ турдуннар💐💐💐 _Сунтаар улууһун дьаһалтатын пресс-сулууспата_