Убаастабыллаах Сахам сирин олохтоохторо, ытыктабыллаах биир дойдулаахтарбыт! — 5 августа 2026 г. в 03:34:16.435
Убаастабыллаах Сахам сирин олохтоохторо, ытыктабыллаах биир дойдулаахтарбыт! Үтүө санаалаах, амарах сүрэхтээх дьоммутугар дириҥ хомолтолоох сураҕы тиэрдэбит уонна уйан хараххытынан көрөн, истиҥ сүрэххитинэн ылынан, көмө харах буоларгытыгар көрдөһөбүт. Үүнэн турар сыл от ыйын 3 күнүгэр Сунтаар улууһун Хоро нэһилиэгин орто оскуолата күүстээх этиҥнээх, чаҕылҕаннаах ардах кэмигэр уокка былдьанан, бүтүннүү умайан хаалла. Оскуола иһиттэн туох да мал-сал, үөрэх тэрилэ быыһаммата. Бу биһиги барыбыт тускутугар, кэлэр кэскилбит буолбут оҕолорбутугар уонна бүтүн нэһилиэкпитигэр улахан охсуу, кырыа хаар курдук ыарахан сүтүк буолла. Биһиги оскуолабыт бэйэтэ уһун үйэлээх, дириҥ историялаах. Маҥнайгы акылаата ууруллуоҕуттан быйыл үбүлүөйдээх 95 сылын бэлиэтиэхтээх этибит, оттон бу турар мас дьиэтэ 1976 сыллаахха тутуллан, хас да көлүөнэ оҕону иитэн-үөрэтэн таһаарбыта. Кэлэр үөрэх дьылыгар оҕолорбут үөрэхтэн матыа суохтаахтар. Кинилэри нэһилиэк иһинээҕи атын тэрилтэлэринэн араартаан үөрэтэргэ былаанныыбыт. Кылгас кэм иһигэр оҕо үөрэнэригэр сөптөөх сылаас, сырдык усулуобуйаны тэрийэргэ — хостору өрөмүөннүүргэ, саҥа миэбэли уонна оргтехниканы атыылаһарга — улахан үп-харчы ирдэнэр. «Айыы киһитэ аһыныгас, күн киһитэ көмүскэс» диэн өбүгэлэрбит мээнэҕэ эппэтэхтэрэ. Күндү бар дьоммут! Туора турбакка, кэлэр үөрэх дьылыгар оҕолорбут этэҥҥэ үөрэнэр кыахтаналларын туһугар күүс-көмө, тирэх буоларгытыгар ыҥырабыт. Хас биирдии ууруллубут солкуобай оҕо аймах үөрүүтүгэр, Хоро нэһилиэгин кэскилигэр улахан кылаат буолуоҕа. Барыгытыгар ис сүрэхпититтэн махтаныы сылаас тылларын тиэрдэбит. Айыы киһитэ аһыныгас, күн киһитэ көмүскэс! Дириҥ ытыктабылы кытта: Хоро нэһилиэгин олохтоохторо, оскуола коллектива, төрөппүттэр уонна оҕолор. Тел: 89640762678. Оскуола дириэктэрэ: Софронеева Мария Николаевна Үп-харчынан көмөлөһөр реквизиттар: Фонд развития Сунтарского улуса 678290, Республика Саха (Якутия), Сунтарский улус, с.Сунтар, ул. Ленина, д.26 Тел.:84113522487, fondsuntar@yandex.ru ОГРН 118144700183 ИНН 1424009538 КПП 142401001 р/с 40703810000030000013 к/с 30101810300000000770 АКБ «Алмазэргиэнбанк» АО г.Якутск БИК 049805770 Көмөнү бу ссылканнан киирэн эмиэ ыытыаххытын сөп: https://qr.nspk.ru/BS1A003C7TR2DUKF9408AQIBNO0QK3JC?type=01&bank=100000000080&crc=435D