СУНТААРГА БАЙЫАННАЙ ОСКУОЛА КЫҺЫЛ ЗНАМЯТА КЭЛЛЭ 👍 — 3 сентября 2026 г. в 06:03:57.007
СУНТААРГА БАЙЫАННАЙ ОСКУОЛА КЫҺЫЛ ЗНАМЯТА КЭЛЛЭ 👍 Балаҕан ыйын 3 - Арассыыйаҕа уонна аан дойдуга милитаристкай Японияны Кыайыы күнэ. Бу күн сунтаардар Албан аат Болуоссатыгар Дьокуускайдааҕы байыаннай оскуола кыһыл знамятын көрүстүбүт. Саха сиригэр Дьокуускайдааҕы байыаннай оскуола тэриллибитэ быйыл 100 сыла, бу бэлиэ сылга үөрэх кыһатын Кыһыл Знамятын улуустан улууска тиэрдэн суолталаах эстафета тэрилиннэ. Кыайыы дьаралыгын кэлиитэ Японияны Кыайыы иһин күнүгэр сөп түбэспитэ улахан суолталаах. Тэрээһиҥҥэ улууспут бэтэрээннэрин Сэбиэтин бэрэссэдээтэлэ Афанасий Васильев, АБДЬ кыттыылааҕа, патриотическай иитии үлэһитэ Владимир Ведерников, үөрэҕирии салайааччыта Борис Васильев кыттыыны ылан бу күн историятын, чахчыларын кэпсээтилэр. Оҕолор Кыайыыны уруйдуур болуоссакка кэлэн бу суолталаах күнү, Кыһыл Знамя онобулун биллилэр, история биир кэрчигин арыйдылар. Байыаннай оскуола Кыһыл знамята Сунтаарга күөрэйэн ыччаты дойдуһа буоларга ыҥырда, аны Миирнэйгэ турунна. Тускулаана ГОРОХОВА-КОБЕЛЬЯНОВА