*Айан куттала суох буолуутун туһугар: Сунтаар улууһугар суол кытыытын аныгы мульчерынан...
*Айан куттала суох буолуутун туһугар: Сунтаар улууһугар суол кытыытын аныгы мульчерынан ыраастыыллар* 🛣👷Сунтаар улууһугар муниципальнай суоллары көрүүгэ-истиигэ уонна айан куттала суох буолуутун хааччыйыыга күүстээх үлэ барар. Ол курдук, бу күннэргэ суол кытыытынааҕы мастары уонна талахтары ыраастааһын үлэтэ былааннаахтык бара турар. Бу сырыыга үлэ хаамыытын чэпчэтэр уонна түргэтэтэр сыалтан анал мульчер техникатын туһаналлар. Аныгы технология көмөтүнэн кэрдиллибит мастары уонна хойуу лабаалары күүстээх техника тута бытарытан салгыҥҥа көтүтэр. Маннык ньыма тулалыыр айылҕаҕа буортуну аҕалбат, ону таһынан кэрдиллибит маһы тиэйэн таһаарар ороскуоту хас да төгүл аччатар уратылаах. Суол кытыытын ыраастааһын суоппардарга ордук кутталлаах эргиирдэри кэмигэр көрөллөрүгөр улахан көмөлөөх. Чуолаан кыһыҥҥы хаардаах, туманнаах кэмҥэ суол кытыыта ыраас буолуута айан куттал суох буолуутун хас да төгүл үрдэтэр. Айанньыттар олохторун харыстыыр, суол хаачыстыбатын тупсарар туһалаах үлэ сыл ахсын ситиһиилээхтик ыытыллар. 📽 Муниципальнай суоллары көрүүгэ-истиигэ туох үлэ барарын тутуу управлениетын салайааччыта Юрий Афанасьев иһитиннэрэр👆 _Сунтаар улууһун дьаһалтатын пресс-сулууспата_