Сунтаар улууhун 225 сылыгар анаммыт «Сунтаарым мин дойдум» хор күрэҕэ үрдүк таһымнаахты...
Сунтаар улууhун 225 сылыгар анаммыт «Сунтаарым мин дойдум» хор күрэҕэ үрдүк таһымнаахтык ааста Алтынньы 9 күнүгэр «Партизан» норуот айымньытын театральнай киинин сыанатыгар В.Г. Павлов аатынан Сунтаар алын сүһүөх оскуолатын үөрэнээччилэрин икки ардыгар «Сунтаарым мин дойдум» хор күрэҕэ ыытылынна. Бу кэрэхсэбиллээх түбэлтэҕэ уопсайа 17 кылаас хор коллектива кыттан, бэйэлэрин айар дьоҕурдарын уонна төрөөбүт дойдуга тапталларын ырыа нөҥүө көрдөрдүлэр. Күрэх сүрүн сыалынан оҕолорго төрөөбүт дойдуларыгар тапталы, киэн туттууну иҥэрии, ырыа искусствотыгар сыһыарыы уонна коллективнай үлэҕэ үөрэтии буолла. Оҕолор хас биирдиилэрэ бэлэмнэммит ырыаларын иэйиилээхтик толорон, көрөөччүлэр уонна дьүүллүүр сүбэ биһирэбилин ыллылар. Сценаҕа оҕолор төрөөбүт дойдуларын, айылҕатын, дьонун-сэргэтин хоһуйар ырыалары ыллаатылар. Кинилэр үрдүк таһымнаах бэлэмнээхтэрэ уонна сүрэхтэн тахсар толоруулара оскуолаҕа хор искусствота олус күүскэ сайдарын туоһулаата. «Сунтаарым мин дойдум» хор күрэх оҕолорго эрэ буолбакка, учууталларга уонна төрөппүттэргэ эмиэ кэрэ түгэннэри бэлэхтээтэ. Маннык тэрээһиннэр оҕолору патриотическай тыыҥҥа иитэллэригэр, култуураны өйүүргэ уонна бииргэ үлэлииргэ үөрэтэллэригэр улахан суолталаахтар. Күрэх түмүгүнэн кыайыылаахтар уонна призердар грамоталарынан уонна сыаналаах бэлэхтэринэн наҕараадаланыахтара. Ол эрээри, бу күн бары кыттыылаахтар дьоһуннаах кыайыыны ситистилэр – төрөөбүт дойдуларыгар тапталларын ырыанан эттилэр.