Ытыктабыллаах Матвей Николаевич!
Ытыктабыллаах Матвей Николаевич! "Сунтаар улууһа (оройуона)" муниципальнай оройуон дьаһалтатын, улуус депутаттарын Сэбиэтин уонна тус бэйэбит ааппытыттан Эйигин, СӨ норуотун хаһаайыстыбатын үтүөлээх үлэһитин, “Хотугу Сулус” уордьан хабалыарын, Сунтаар улууһун норуотун хаһаайыстыбатын үтүөлээх үлэһитигэр, Түбэй нэһилиэгин, Өлүөхүмэ, Сунтаар, Анаабыр, Хаҥалас улуустарын Ытык олохтооҕун төрөөбүт күҥҥүнэн ис сүрэхпититтэн истиҥник эҕэрдэлиибит! Матвей Николаевич, Эн биһиги улууспутуттан үүнэн тахсыбыт ХХI үйэ аныгы уустук үлэлээх хайа баҕарар тэрилтэни сатабыллаахтык салайар кыахтаах уһулуччулаах киһибит, киэн туттуубут буолаҕын. Үлэҕин бастаан хайа промышленноһыгар шахтаҕа боруода түөрээччинэн, биригэдьииринэн үлэлээн саҕалаан баран, сотору саамай үрдүк салайар үлэҕэ - “Анаабыр алмаастара” АО генеральнай дириэктэринэн, 2018 сылтан ООО “Арктик Капитал” диэн бөдөҥ промышленнай тэрилтэни тэрийэн ситиһиилээхтик үлэлии сылдьаргын үөрэ, киэн тутта истэбит. Сахалыы муударай өйдөөх, киэҥ билиилээх, үрдүк профессионал буолан хайа да дуоһунаска олордоргун дьон туһугар урутунан кыһалларгын үрдүктүк сыаналыыбыт. Ол курдук СӨ Судаарыстыбаннай Мунньаҕын (Ил Түмэн) дьокутаатынан быыбарданан баран, быыбардааччылар итэҕэллэрин, кинилэр биэрэр накаастарын толорууга мэлдьи ис сүрэххиттэн кыһаллан үлэлэһэриҥ. Өрөспүүбүлүкэҕэ, төрөөбүт улуускар ыытыллар бөдөҥ спортивнай уонна да атын дьаһалларга спонсор быһыытынан куруук көмөлөһөргөр махтанабыт. Матвей Николаевич, Эн сыралаах үлэҥ үрдүк сыанабылы ыларын Святой Благовернай князь III истиэпэннээх Московскай уордьанынан, Петр Великэй бириэмийэтинэн, Нуучча географическай обществотынан “2005 сыл киһитэ” диэн анал аатынан наҕараадаламмытыҥ туоһулууллар. Эһиги олоххо сыһыаҥҥыт, үлэҕитигэр бэриниигит, улууспут сайдыытыгар киллэрбит кылааккыт биһиэхэ барыбытыгар холобур буолар. Бу кэрэ-бэлиэ түгэҥҥэ Эйиэхэ чэгиэн доруобуйаны, уһун үйэни, дьолу-соргуну, дьиэ кэргэҥҥитигэр эйэни-дьолу, инники үлэҕитигэр өссө да үрдүк ситиһиилэри баҕарабыт! Ытыктабылы кытта, «Сунтаар улууһа (оройуона)» МО баһылыга А.В. Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова