Евангелие от Матфея
Евангелие от Матфея Мф.20:29-34 И исходя́щу Ему́ от Иерихо́на, по Нем и́де наро́д мног. И се два слепца́ седя́ща при пути́, слы́шавша, я́ко Иису́с мимохо́дит, возопи́ста, глаго́люща: поми́луй ны, Го́споди, Сы́не Дави́дов. Наро́д же запрети́ и́ма, да умолчи́та, о́на же па́че вопия́ста, глаго́люща: поми́луй ны, Го́споди, Сы́не Дави́дов. И воста́в Иису́с возгласи́ я́ и рече́: что хо́щета, да сотворю́ ва́ма? Глаго́ласта Ему́: Го́споди, да отве́рзетеся о́чи на́ю. Милосе́рдовав же Иису́с прикосну́ся о́чию и́ма, и а́бие прозре́ста и́ма о́чи, и по Нем идо́ста.
186 просмотров