ТАТАР ТУДЕЙ - МЕДИА | ТАТАРЫ | КАЗАНЬ | РОССИЯ | новости
Новости · 15 июня 2026 г.
Танылган археолог галим,бик күпләрне татар тарихы белән кызыксынырга өйрәткән укытучы, ... — 15 июня 2026 г. в 18:32:20.862
Танылган археолог галим,бик күпләрне татар тарихы белән кызыксынырга өйрәткән укытучы, тарих фәннәре докторы, Татарстанның атказанган фән эшлеклесе, ТР Фәннәр академиясенең мөхбир-әгъзасы Фаяз Шәрип улы Хуҗин вафат. Фаяз абыйның татар архелогоиясе фәне үсешенә керткән өлеше әйтеп бетергесез. Болгар дәүләте, Алтын Урда, Казан халыгы тарихлары битләрен ачуда ул калдырган эзләр тирән һәм озын. Ул дистәләгән китаплар авторы, шулар арасында үзенчәлекле урынны балалар өчен җайлы, җиңел тел белән язылган тарих китаплары аерым урын билиләр. Фаяз Шәрип улы беренчеләрдән булып, үзенең саф һәм бай татар теле белән Казан ханлыгы чорына кагылышлы экскурсияләр оештырган кеше. Ул халкыбыз тарихын иң актив популярлаштыручы да иде. Ипле холкы, киң эрудициясе, кешелеклелеге, зыялыгы белән һәрвакыт кешеләрне үзенә тартып торды. Гаиләсенең, якыннарының кайгысын уртаклашабыз! Рухы шат, караңгы каберләре якты, авыр туфрагы җиңел булсын. Хушлашу мәрасиме Казан шәһәре, Фатих Кәрим урамы, 19/8 урамы буенча урнашкан Зәңгәр мәчеттә сәгать 10.00 булачак