"3, 6, 9" кыяр маринадлау
"3, 6, 9" кыяр маринадлау Бу рецепт 3 литрлы банкага исәпләнгән. Ул исеме буенча тиз истә кала. Банка төбенә үзегез яраткан үләннәр: карлыган, чия, керән яфрагы, укроп башы, сарымсак, түгәрәк кара борыч, кориандр, канәфер салырга. Очлары киселгән кыярларны банкага тутырырга. Кайнар су коярга. 15 минуттан кәстрүлгә бушатырга. 3 аш кашыгы тоз, 6 аш кашыгы шикәр комы, кайнап чыккач, 9 аш кашыгы 9 %лы аш серкәсе өстәргә. Тозлыкны кыярларга коеп, калай капкач белән ябып, төреп куярга. Бу рецепт помидор маринадлау, ассорти ясау өчен дә яхшы.
7 308 просмотров