Апас районы Олы Бакырчы мәдәният йортында балалар өчен зурлап Сабантуй бәйрәме узды. — 13 июля 2026 г. в 07:30:03.673
Апас районы Олы Бакырчы мәдәният йортында балалар өчен зурлап Сабантуй бәйрәме узды. "Авылда рәхәт" лагереның соңгы көненә туры китереп узган бәйрәм балаларыбыз күңелендә озак сакланыр әле. Төрле кызыклы, хәрәкәтле, халык уеннарында көч сынашып, бик матур бүләкләр алдылар, кайнар коймак белән самовардан чәй эчеп, тәмле пылаулар белән сыйланып вакыт узганы сизелмәде дә. Авылыбызның киләчәге булган балаларыбызга матур бәйрәм бүләк иткәне өчен иганәчебез Булат Наил улына, әнисе Миләүшә ханыма, кайнар коймаклары өчен Розага, тәмле пылаулар белән сыйлаганы өчен Әлфәт абыйларына, матур җырлары белән бәйрәмебезгә ямь өстәгән коллегаларым Айрат белән Рамиләгә, күңелле сюрпризлары өчен Алмаз-Алия Рахматуллиннарга, балаларны Сабантуйга озата килүче дәү- әниләребезгә, барлык катнашучыларга олы рәхмәтләремне җиткерәм дип яза Олы Бакырчы мәдәният йорты җитәкчесе Ландыш Моталлапова.