Арча муниципаль районы Мәдәният йорты сезне «Арча читекләре» Республика күләм этно-фест... — 11 августа 2026 г. в 10:40:00.667
Арча муниципаль районы Мәдәният йорты сезне «Арча читекләре» Республика күләм этно-фестиваленә чакыра! Быелгы фестивальнең максаты – традицион мәдәниятне, халык иҗатының һәм декоратив-гамәли сәнгатьнең иң яхшы үрнәкләрен ачыклау, онытыла барган йолаларны, җыр-биюләрне торгызу, читек чигү осталарын барлау һәм татар милли аяк киемен популярлаштыру. Фестивальдә катнаша аласыз, әгәр Сез: - вокаль, фольклор яки бию коллективы әгъзасы; - халык музыка уен коралларында уйнаучы; - яки һәвәскәр сәнгать төркеме вәкиле. Тәкъдим ителә торган номинацияләр: - «Халык җыры» (лирик, уен, бишек, такмак һ.б.); - «Халык биюе»; - «Инструменталь башкару» (гармун, кубыз, курай, сорнай, мандолина, думбра һ.б.); - «Фольклор-этнографик күренеш» (7 минуттан артмаска тиеш). Мөһим шартлар: - һәр коллективтан бер генә концерт номеры; - репертуар башкаручыларның яшь үзенчәлекләренә туры килергә, халык традицияләре сакланырга тиеш; - чыгышта милли киемнәр булуы мәҗбүри; - һәр коллектив үзе белән кул эшләнмә сувенир читек алып килергә тиеш. Иң оригиналь эшләргә истәлекле бүләкләр тапшырылачак! Гаризалар 15 августка кадәр ardк-metod@mail.ru электрон почтасына «Арча читекләре» дип билгеләп җибәрегез. Фестиваль вакыты: 21 август 2026 ел Үткәру урыны: Арча шәһәре Үзәк стадионы Тулырак мәгълүмат фестиваль положениесендә: https://vk.ru/wall-206902542_10661