Апас районы Шәмбалыкчы авылында «Фәхри Насретдинов: чор тавышы һәм буыннар мирасы» дип ...
Апас районы Шәмбалыкчы авылында «Фәхри Насретдинов: чор тавышы һәм буыннар мирасы» дип аталган кичә узды. Чара Россиянең һәм Татарстанның халык артисты, Татарстан Республикасының Габдулла Тукай исемендәге Дәүләт бүләге лауреаты, ике тапкыр Хезмәт Кызыл Байрагы ордены кавалеры, «Почет билгесе» ордены кавалеры, күпсанлы медальләр иясе Фәхри Насретдиновның тууына 115 ел тулуга багышланган иде. Чара Фәхри Насретдиновның туган авылындагы музеенда узды. Анда район җитәкчеләре, Кайбыч районыннан коллегалар, Казаннан Фәхри Насретдиновның туганнары, авылдашлар, музей хезмәткәрләре, ветераннар, шулай ук артистны хөрмәт итүче һәм аның иҗатын яратучы кунаклар катнашты. Чара җылы һәм күңелле атмосферада узды. Кунаклар артистның үзе ярдәмендә сакланып калган тавыш һәм җыр язмаларын аеруча дулкынлану белән тыңлады.