Апас районында композитор Сара Садыйкова истәлегенә — тууына 120 ел тулу уңаеннан чара ...
Апас районында композитор Сара Садыйкова истәлегенә — тууына 120 ел тулу уңаеннан чара узды 2 ноябрь көнне Апас районы мәдәният волонтерлары районыбызда туган күренекле татар композиторы Сара Садыйкованың тууына 120 ел тулу уңаеннан истәлекле чара уздырды. Чара район үзәгендә урнашкан композитор һәйкәле каршында булды. Чара барышында Сара Садыйкованың татар музыка сәнгатенең алтын фондына кергән җырлары яңгырады. Мәдәният бүлеге җитәкчесе Рөстәм Хасип улы композиторның милли музыка сәнгатен үстерүгә керткән өлешен билгеләп үтте. Сара Садыйкованы шәхсән белгән райондашлар аның турындагы истәлекләре белән уртаклашты. Чараның төп мизгелләренең берсе — композитор һәйкәленә чәчәкләр салу булды. Бу аның истәлегенә хөрмәт белдерү һәм татар музыка сәнгатен үстерүдәге казанышларын тану билгесе. Сара Садыйкованың иҗади мирасы милли мәдәни байлыгыбызның мөһим өлешен тәшкил итә. Аның әсәрләре республиканың концерт мәйданнарында дәвамлы башкарыла һәм татар халкының рухи традицияләрен саклау һәм киләчәк буыннарга тапшыру эшенә хезмәт итә.
Канал в каталоге Максиметера
1 675 подписчиков · Книги