*Киин библиотекаҕа Дьиэ кэргэн күнэ* — 15 мая 2026 г. в 08:07:11.454
*Киин библиотекаҕа Дьиэ кэргэн күнэ* Дьиэ кэргэн Аан дойдутааҕы күнүн биһиги библиотекабытыгар солуннук тэрийдибит. Бырааһынньыгы биир ураты күнү – биһиги биллиилээх биир дойдулаахпыт, суруйааччы Н.Е. Мординов – Амма Аччыгыйа төрөөбүтэ 120 сылыгар анаан ыыттыбыт. Тэрээһиммитин улуустааҕы дьахтар сэбиэтин бэрэссэдээтэлэ Варвара Ильинична Будикина истиҥ эҕэрдэ тылларыттан саҕалаабыта. Библиотекарь Светлана Семеновна Игнатьева интэриэһинэй быыстапканы тэрийбитэ – кини өрөспүүбүлүкэбит уонна төрөөбүт улууспут дьиэ кэргэттэрин олохторун туһунан кэпсиир кинигэлэри билиһиннэрбитэ. Тэрээһин саамай чаҕылхай түгэннэринэн «Ааҕыы умсулҕана, ойуу дойдута» диэн уруһуй марафона буолбута. Лопатиннар дьиэ кэргэннэрэ – Ольга Прохоровна кыыһа Сандааралыын – уонна Богдановтар дьиэ кэргэннэрэ – Христина Ильинична уола Василийдыын – Н.Е. Мординов – Амма Аччыгыйа айымньытын бииргэ ааҕан, тута ойуулары оҥордулар. Дьиэ кэргэнинэн бииргэ ааҕыы маннык түгэннэрэ саамай сыаналаахтар. Библиотека үлэһитэ Лидия Аргунова лицей ахсыс кылааһын үөрэнээччилэригэр «Дьиэ кэргэн харысхалын» оҥорорго маастар-кылаас ыытта.