Кече Чурадан Мария Агеева тормышка позитив карашы белән тирә-яктагыларга үрнәк булып яши😍 — 5 сентября 2026 г. в 10:35:00.361
Кече Чурадан Мария Агеева тормышка позитив карашы белән тирә-яктагыларга үрнәк булып яши😍 🏡Кукмара районының Кече Чура авылында яшәүче тыл ветераны, 99 яшьлек Мария Агеева үз тормышындагы вакыйгаларны яхшы хәтерли. 💬«Бер тапкыр да табиблардан ярдәм сорап мөрәҗәгать итмәдем, хәтта поликлиникада амбулатор карточкам да юк. Соңгы арада гына кан басымы «уйный», дару эчәргә туры килә. Бәлки, моңа кадәр дә булгандыр, ләкин эш белән сизми калганмындыр», — ди зарланырга күнекмәгән Мария түти уенын-чынын бергә кушып. «Безнең йорт матур урында — су тегермәне янындагы кечкенә утрауда иде. Әти-әни йортын хәзер дә сагынам. Әнием бакчада күпләп яшелчә утыртты, җимеш агачлары да бар иде. Без, ике әнидән, 12 бала идек. Әтинең беренче хатыны үлеп, алты баласы белән калган. 23 яшьлек әнием аңа кияүгә чыккан. Аларның тагын алты баласы туган. 12дән бер мин генә бу көннәргә кадәр җиттем. Яхшы, дус яшәдек барыбыз да. Сугыш башлангач, абыйлар фронтка китте. Өчесе һәлак булды. Бик яшьли сарык фермасында эшли башладым, эш җиңел түгел иде. Колхоздагы хезмәт стажым 40 елдан артык», — дип искә ала бөтен гомере туган авылында үткән Мария Никифоровна.