Август сарин 3-12 куртл Хальмг танhчин хальмг келня багшнр болн бичкдудин садын сурhмжл... — 19 августа 2026 г. в 13:52:39.354
Август сарин 3-12 куртл Хальмг танhчин хальмг келня багшнр болн бичкдудин садын сурhмжлачнр Забайкальск крайин Бурятск автономин Агинск селянд межрегиональн семинарт орлцв. Мана Танhчин эрдм-сурhулин болн сойлын Министерствин региональн сурhулин янгин hapдач Зоя Петровна Убушиевнан болн ах специалист Байрта Сергеевнан hapдврт уудягч баг кодлв. Эн семинар иим торяр давв:" Преподование родных языков и трансляция этнокультурных ценностей в современном образовательном пространстве". Семинарин кодлмшт hурвн субьектин багшнр эвря дамшлтарн хувалцв. Эннь: Хальмг Танhчас, Бурятас болн Забайкальск крайин багшнрас. " Олн -ямтня ни-негня негдлт болн иньгллт"- гидг дуудвртаhap эн семинар кодлмшян эклв. Ах-ду болсн нег ундстя, келярн оорхн Бурят улс мадниг йир байртаhap тосцхав. Хуучна йосар ду дуулад, цаhaн идя амсулад, хадг татад седклян медулв. Семинарин йовудт багшнр болн сурhмжлачнр хоорндан эвря хоршасн дамшлтар хувалцж кур-куундвр тогтав. Мана Танhчин багшнр ямр кевяр Торскн кел зааж, дасхжах эв- дован узулцхяв. Туушлж Бурят келня багшнр ямаран кевяр школд болн бичкдудин садт Торскн келиг дасхжахан узуляд маднд медулв. Иим селвлцян Торскн келиг дасхлhнд туста болх зовтя. Багш болhн нег-негняс шин тоот бийдян авч чадв. Агинск haзрин аhyд кезянк соньн бурхн-шажна ном делгрсн хойр хурлд оч ах Ламин лекц сон,сувидн. Семинарин котлврт орсн соньн hяяхулд орлцлавидн. Эннь: Агинск haзрин тууж, сойлын ик музей, " Онон Хатан эжы", Тогоон Шулуун комплекс" Дэлюун Болдог", " Сякустя уул" Алханай" болн Китдин балhcн Маньчжурия, Хайлар. Энд Шинкянск бурят-монhлын хошт оч гиичлж, тедня одгя цагин бяядл- жирhлля, хуучн авг-бярцля, келярнь соньмсч таньлдж соньмсувидн. Ик кезяняс авн тогтсн Китд улсин нярн " Цяяhин авьясд" орлцж цуhap олн-зусн амтта ця эдлж, туужнь соньмжтаhинь медцхявувидн. Ишкя герярн нууhяд йовдг уул йосар бяядг Бурят-монhлын тууж маднд йир овярц болв. Хоорндан келярн, сойларн оорхн келн-улс дамшлтарн, медрлярн нег-негнлярн хувалцж бяяхля, келн, сойл мартгдшго улм осяд, делгряд йовх. Мана Райкомин профсоюзин Ахлач Виктор Очировд болн Тугтна школын профсоюз haрджах Эльзата Васильевнд хаалhим демяр дааснд цаhaн седклясн ик ханлтан оргжяняв.