Таатта улууһун олохтоохторун, биир дойдулаахтарбын «Таатта улууһа» муниципальнай оройуо... — 26 апреля 2026 г. в 23:36:17.627
Таатта улууһун олохтоохторун, биир дойдулаахтарбын «Таатта улууһа» муниципальнай оройуон дьаһалтатын уонна тус бэйэм ааппыттан эһигини өрөспүүбүлүкэбит саамай суолталаах бырааһынньыгынан — Саха Өрөспүүбүлүкэтин күнүнэн эҕэрдэлиибин! Муус устар 27 күнэ — биһиги судаарыстыбаннаспыт олоҕо ууруллубут, иллээх-эйэлээх олохпут түстэммит ытык күнэ. 1922 сыллаахха автономияны ылыы уонна 1992 сыллаахха Саха Өрөспүүбүлүкэтин Төрүт Сокуона (Конституцията) күүһүгэр киириитэ — биһиги норуоппут историятыгар саҥа кэрдиис кэми арыйбыттара. Биһиги, таатталар, бу бэлиэ күнүнэн уратытык киэн тутабыт. Сүрүн судаарыстыбаннай бырааһынньыкпыт төрүтүгэр Таатта сириттэн үүнэн-сайдан тахсыбыт улуу убайдарбыт — П.А. Ойуунускай, А.Е. Кулаковскай уонна кинилэр соратниктара турбуттара. Кинилэр кэс тылларын, сырдык баҕа санааларын үйэтитэр уонна салгыы сайыннарар — биһиги ытык иэспит. Бүгүн Сахабыт сирэ күүскэ сайдар, кэскиллээх бырайыактары олоххо киллэрэр. Таатта улууһа өрөспүүбүлүкэ общественнай, культурнай уонна экономическай олоҕор бэйэтин дьоһуннаах кылаатын киллэрэр. Хас биирдии Таатта олохтооҕун бэриниилээх үлэтэ, төрөөбүт дойдутугар таптала — биһиги уопсай ситиһиибит тирэҕэ буолар. Эһиэхэ чэгиэн доруобуйаны, дьиэ кэргэҥҥитигэр этэҥҥэ буолууну, саҥа айар үлэлэри уонна ситиһиилэри баҕарабын! Таатта улууһун баһылыга А. С. Бурцев @taattaadm