✍Тываның күрүне университединиң ада-чурт төөгүзүнүң кафедразының профессору, төөгү эрте... — 21 августа 2026 г. в 10:29:29.217
✍Тываның күрүне университединиң ада-чурт төөгүзүнүң кафедразының профессору, төөгү эртемнериниң доктору Зоя Доржу делегей чергелиг IV сарыг шажын шуулганының үезинде журналистер-биле ужурашкан. Шуулганга көдүрген кол айтырыгларны, кижизидилгеге чүдүлгениң ужур-утказының дугайында, ол ышкаш унивеситет хемчегниң материалдарын өөредилге ажылынга ажыглаарын чугаалаан. Шуулганның киржикчилери шажын-чүдүлгени политикажытпазының айтырыын болгаш, аңаа даянып алгаш, чурттар болгаш националдар аразында чөрүлдээлерниң үнүп келириниң айыылын сайгарып көрген. Бо айтырыг өг-бүледе кижизидилгеден эгелээр ужурлуг. Амгы салгал культура болгаш төөгү дамчыштыр ону билип ап болур. Профессор даштыкы чурттардан келген аалчыларның шуулганга кайгап ханмаан сонуургалын база үлешкен. «Шуулганның киржикчилери шупту чүүлдү билип алыры-биле катап-катап айтырыгларны салган. Айтырыглар кайда-даа дөмей. Олар бүгү кижи төрелгетенге салдарлыг айтырыг болган. А бир эвес олар ол айтырыгларны көдүрүп турар болза, оларның сагыш човап турары-дыр, ону шиитпирлээр херек. Нарын айтырыгларны көдүрери – оларны шиитпирлээриниң база бир аргазы-дыр" – деп, ол чугаалаан.