✍Коммуналдыг кадыг боктар болбаазырадыр регионалдыг оператор «ТСП» күрүнениң унитарлыг ... — 1 сентября 2026 г. в 08:51:51.619
✍Коммуналдыг кадыг боктар болбаазырадыр регионалдыг оператор «ТСП» күрүнениң унитарлыг бүдүрүлгези республиканың кожууннарында салбырларын ажыдып, менеджерлерни немей хүлээп ап турар. Немелде офистерни ажытканы чонга эптиг байдалды тургузар деп, «ТСП» бүдүрүлгези дыңнаткан. Регионалдыг оператор Шагаан-Арыг, Чадаана, Туран, Ак-Довурак хоорайларда, ол ышкаш Бай-Хаак суурда болгаш Каа-Хем суурда немелде ажылдаар черлерин ажыдып турар. Чаа офистер ажылдакчыларга албан езузунуң ажылын болгаш 5/2 ажыл графиктиг төлептиг шалыңны саналдап турар. Документилер-биле ажыл, хереглекчилерге-биле консультациялар, херек апарганда өске суурларга үнүүшкүннүг консультацияларже чорууру – менеджерлерниң хүлээлгелери. Немелде офистерге чурттакчылар бокту үндүр сөөрткенинде төлевир дугайында сүмелерни, квитанцияларны ап, ачы-дузаны эде санадып, өре чок дугайында бижикти ап болур. Сайгарлыкчылар болгаш юридиктиг черлер кадыг коммуналдыг бокту үндүр сөөртүдеринге ачы-дузалар дээш консультацияларны ап, керээни чарып база болур. Кызылда «ТСП» күрүнениң унитарлыг бүдүрүлгезиниң офистери дараазында адрестерде ажылдап турар: - О. Лопсанчап кудумчузу, 5 дугаар бажың, 4-кү көзенек; - Кочетов кудумчузу, 30 дугаар бажың (Профэвилелдер бажыңы). Офистерге ажылдаар күзелдиг кижилер резюмезин дараазында электроннуг адресче чорудуп болур: ok@tsp17.ru. Хостуг ажылчын олуттар дугайында тодаргай медээни бо телефон таварыштыр билип ап болур: +7 39422 5-39-10 (201 – кадрлар килдизи).