✍Тывада кадыкшылын хайгаарап, профилактиктиг шинчилгелерни эртип ап турар кижилер саны ... — 1 сентября 2026 г. в 06:07:49.712
✍Тывада кадыкшылын хайгаарап, профилактиктиг шинчилгелерни эртип ап турар кижилер саны өскен. Чыл эгезинден бээр 76408 кижи эмчи шинчилгезин болгаш диспансеризацияны эрткен, чылда планнаанының 52,6 хуузу. Эрткен чылга деңнээрге, 13 муң кижи хөй. Он сес муң ажыг кижи профилактиктиг, ол ышкаш улуг улустуң чамдык бөлүктеринде 57848 кижи диспансеризация шинчилгелерин эрткен. Аарыгны эге чадазында илередири – шинчилгелерниң кол сорулгазы. Бо чылын республиканың чурттакчыларының диспансеризация үезинде 40 муң хире аарыглар илереттинген. 36,5 муң ажыг кижини учетта, аарыы бир дугаар илереттинген кижилерни эмчилер хайгааралынче алган. Хөй кезиинде хан эргилдезиниң аарыглары илереттинген – 17356 таварылга. Эмчилер 3815 ижин-шөйүндү аарыгларын база 864 тыныш органнарының аарыгларын тодараткан. Аарыг кижилерни үе шаанда диспансер учедунда тургускан. Божуп-чиигээр назы-харлыг улусту ханы шинчилээр база хынаар ажылдар уламчылап турар. Шак ындыг хыналдалар үре-сады кадыкшылынга уржук чедирер хире аарыгларны болгаш айыылдарны дүрген тодарадырынга дузалаар.