⚡Тываның башкылары Липецк хоорайда мөөрейде киржип турар — 10 сентября 2026 г. в 10:41:01.025
⚡Тываның башкылары Липецк хоорайда мөөрейде киржип турар ✍Бо хүннерде Липецк хоорайда Россия чергелиг «Тергиин төрээн дыл болгаш чогаал башкызы» деп мөөрей болуп эртип турарын Национал школа хөгжүдер институт дыңнаткан. Институттуң директору, филология эртемнериниң кандидады Елена Куулар мөөрейниң шииткекчизи болуп ажылдап четкен. Мөөрейге киржири-биле Россияның аңгы-аңгы булуңнарындан 79 школа башкызы база 41 уруглар садының кижизидикчи башкылары чыглып келген. Тергииннерниң аразынга Тываны Кызылдың 4 дугаар школазының тыва дыл болгаш чогаал башкызы Чодураа Ооржак база Тес-Хем кожууннуң Самагалдай суурунуң «Аян» уруглар садының кижизидикчи башкызы Аянмаа Эренчин олар төлээлеп, киржип турар.
96 просмотров