⚡Улуг-Хемде сиген кезилдези дооступ турар — 10 сентября 2026 г. в 05:50:55.288
⚡Улуг-Хемде сиген кезилдези дооступ турар ✍Улуг-Хем кожуунда көдээ ишчилер аяс хүннерни ажыглап кызымаккай ажылдап, сиген-ширбиилди хөйнү белеткеп алыр дээш, шупту аргаларны ажыглап турарын чагырга чери дыңнаткан. Кожууннуң девискээринге бо чылын суггаттыг черлерде оът-сигенниң үнгени бедии 40-60 сантиметр, суггат чок черлерде 25-35 сантиметр. Мал чеминиң белеткелин сөөлгү үеде механизастаттынган арга-биле кезип белеткээри калбарып турар. Сигенни трактор-биле кескеш, бөлгеш, дорт пресстээш, шөлдерге үр чыттырбайн малчыннар дажып ап турар. Бо арга мал чеминиң белеткелин дүрген чорудар байдалды тургускан. Трактор-биле кезери болдунмас черлерни хол кадыыры-биле кезип белеткеп турар. Көдээ ажыл-агый эргелелиниң дыңнатканы-биле алырга, Улуг-Хем кожуунда мал чеминиң белеткели бо хүннерде 85 хуу күүсеттинген азы мал чеминиң хөй кезии курлавырлаттынган. Бо чылын кожуунга көрдүнген сиген белеткелиниң планы 11780 тонна болза, ооң 10000 тонна сигенни мал чеминге бо хүннерде белеткеп кылган. Сиген кезилдези доостурунга чедир салдынган план күүсеттинер.