Аан дойдутааҕы театр күнүн көрсө уонна Саха сиригэр Култуура сылынан, биһиги оскуолабыт... — 25 марта 2026 г. в 05:18:20.523
Аан дойдутааҕы театр күнүн көрсө уонна Саха сиригэр Култуура сылынан, биһиги оскуолабыт "Ача" драматическай куруһуогун (салайааччы Лазарева А.Н.) оҕолоро театр бырааһыньыгын бэлэхтээтилэр. Биһиги ыалдьыппыт, СӨ култууратын туйгуна, Россия театрдарын айар үлэһиттэрин сойууһун чилиэнэ Федора Собакина "Үрүҥ туллук эрэ мөлбөстүүр" диэн норуот ырыатын толоруутугар, оҕолорбут дьүһүйүү көрдөрдүлэр. Алампа оруолун Стручков Егор, оттон Дуунньа оруолун Егасова Кэрэчээнэ толордулар. Алампа автобиографиятын диктор Сердцева Лиана аахта. Ону таһынан "Төгүл таблица" уонна "Алҕас саҥардым" диэн мини-сценкалары көрдөрөн, оҕолорго чиэһинэй, эппиэтинэстээх буолуу, култууралаахтык саҥарыы суолтатын ырыттылар. Тэрээһин түмүгэр, Н.Д. Неустроев 130 сааһыгар анаммыт, өрөспүүбүлүкэтээҕи күрэххэ "Бастыҥ режиссерскай үлэ" номинацияны ылбыт "Лоскуй килиэп сыта" диэн видеоролигы көрөн, бары сөхтүбүт уонна киэн туттубут. Бары оҕолорбутугар уонна салайааччыларга улахан махтал! Эһиги ускуустуба нөҥүө норуоппут сиэр-майгы үгэстэрин тарҕата, кэлэр көлүөнэни иитэ тураргыт олус суолталаах.