Уйулҕа доруобуйатын ыйын чэрчитинэн, биһиги оскуолабытыгар оҕолорбутугар аналлаах "Төлө... — 24 марта 2026 г. в 09:11:29.972
Уйулҕа доруобуйатын ыйын чэрчитинэн, биһиги оскуолабытыгар оҕолорбутугар аналлаах "Төлөпүөн туһата уонна буортута" диэн бэсиэдэ буолан ааста. Билиҥҥи үйэҕэ төлөпүөнэ суох олохпутун оҥорон көрөрбүт уустук, ол эрээри кинини хайдах туттартан биһиги чэгиэн буоларбыт тутулуктаах. Бу кэпсэтиини психолог Слепцова Р.Р ыытта. Манна оҕолорбут төлөпүөн туһалаах өрүттэрин таһынан, кини хайдах курдук кутталлаах буолуон сөбүн ырыттылар: 1) Төлөпүөн таһаарар сардаҥата киһи доруобуйатыгар улахан буортулаах. 2) Үгүс кэмҥэ төлөпүөнү көрүү хараҕы сылатар, көрөр дьоҕурбутун мөлтөтөр. 3) Наушнигы үгүс кэмҥэ туттуу истэр оргаммытыгар охсуулаах. 4) Төлөпүөнү элбэх кэмҥэ туттуу сүрэх үлэтигэр куһаҕан дьайыыны оҥоруон сөп. 5) Төлөпүөн киртийэн, араас микробтар мунньустар сирдэрэ буолуон сөп. 6) Төлөпүөҥҥэ ылларан, уйулҕабыт уонна ниэрбэбит кэбириир, санаабыт туруга алдьанар. Саамай сүрүнэ — төлөпүөн оҕо үүнэн эрэр организмыгар ордук улахан содуллаах. Биһиги оҕолорбут чэгиэн, доруобай, күүстээх-уохтаах буола улааталларыгар баҕарабыт. Айылҕаны, спорду, доҕоттору кытары алтыһыыны бастакы миэстэҕэ туруорарга үөрэниэххэ!