Саха Өрөспүүбүлүкэтигэр инбэлииттэр уонна доруобуйаларыгар хааччахтаах дьон идэтийбит м...
Саха Өрөспүүбүлүкэтигэр инбэлииттэр уонна доруобуйаларыгар хааччахтаах дьон идэтийбит маастарыстыбаларын чемпионата, "Абилимпикс - 2026" XI региональнай түһүмэҕэ кулун тутар 16 күнүттэн 23 күнүгэр дылы ыытыллар. Бу тэрээһин – биһиги өрөспүүбүлүкэбит хас биирдии киһитин дьоҕурун, күүһүн-уоҕун билинэр, өйүүр уонна сайыннарар дириҥ суолталаах. "Абилимпикс" – бу күүстээх санаалаах, дьулуурдаах дьон бэйэлэрин идэлэригэр үрдүк маастарыстыбаларын көрдөрөр, саҥа үрдэллэри дабайар, олоххо бэйэлэрин миэстэлэрин булар кыахтарын биллэрэр улахан тэрээһин. Бу күрэхтэһии кинилэргэ эрэ буолбакка, уопсастыба барытыгар инбэлииттэр кыахтарын, талааннарын өйдүүргэ, олоххо киллэрэллэригэр көмөлөһөр. Кулун тутар 18 күнүгэр, Уус-Алдан улууһун Орто Эбэ коррекционнай оскуолата "Абилимпикс" чемпионат региональнай түһүмэҕин "Швея" уонна "Агрономия" компетенцияларыгар талааннаах оҕолору түмтэ. Биһиги оскуолабыт иитиллээччилэрэ бу күрэххэ көхтөөхтүк кыттан, бэйэлэрин дьоҕурдарын уонна сатабылларын көрдөрдүлэр: "Швея" компетенциятыгар Егасова Кэрэчээнэ кытынна. Салайааччы Свешникова С.С. "Агрономия" компетенциятыгар Сердцева Лиана кыттыыны ылла. Лиананы бу күрэххэ Аммосова А.М. бэлэмнээтэ. Күрэхтэһиини тэрийээччилэргэ – Орто Эбэ коррекционнай оскуолатын коллективыгар – үрдүк таһымнаах тэрээһини тэрийбиккитигэр, истиҥ махталбытын тиэрдэбит! Маннык тэрээһиннэр оҕолорбутун атын дьону кытта алтыһалларыгар, саҥа дьоҕурдарын арыйалларыгар уонна инники олоххо дьулуурдарын күүһүрдэллэригэр олус улахан көмө буолар. Кыттыбыт оҕолорбутун эҕэрдэлиибит уонна инникитин даҕаны үрдүк ситиһиилэри баҕарабыт! Өссө да үүнэ-сайда, талааннаргытын таһаара туруҥ! Кэлэр "Абилимпикс" күрэхтэригэр өссө үрдүк ситиһиилэри баҕарабыт!