Оскуолабытыгар үөрүүлээх Билии күнүн бэлиэтээтибит! Оҕолорбут сайыҥҥы сынньалаҥнарын кэ...

Оскуолабытыгар үөрүүлээх Билии күнүн бэлиэтээтибит! Оҕолорбут сайыҥҥы сынньалаҥнарын кэннэ, саҥа үөрэх дьылыгар үөрэн-көтөн кэлбиттэринэн, билии-көрүү аартыгын арыйдыбыт. Быйылгы үөрэх дьылыгар маҥнайгы кылааска үс кырачаан оҕолор үөрэнэ киирдилэр! Кинилэр оскуола боруогун атыллаан, билии эйгэтигэр бастакы хардыыларын оҥордулар. Кырачааннарбытыгар ситиһиилэри, элбэх саҥа сатабыллары, билиини баҕарабыт! Ону таһынан, быйылгы үөрэх дьылыттан саҥа ирдэбилинэн биһиги оскуолабытыгар 11-с кылаас аһылынна. Күндү учууталларбытын, төрөппүттэрбитин уонна үөрэнээччилэрбитин саҥа үөрэх дьылынан ис сүрэхтэн эҕэрдэлиибит! Билии-көрүү өрүү сырдык суолбутун арыаллаатын, саҥа ситиһиилэри аҕаллын! Барыгытыгар тулууру, дьулууру баҕарабыт!