Аан дойдутааҕы дьахталлар күннэрин көрсө, оскуолабытыгар кыргыттарга аналлаах "Биһиги —...
Аан дойдутааҕы дьахталлар күннэрин көрсө, оскуолабытыгар кыргыттарга аналлаах "Биһиги — принцессалар" диэн олус истиҥ тэрээһин буолан ааста. Бу күн хас биирдии кыыс бэйэтин дьиҥнээх принцесса курдук сананна! Тэрээһин чэрчитинэн интэриэһинэй уонна туһалаах түгэннэр буоллулар: • Маастар-кылаас: Кыргыттарбыт аныгы үйэ ирдэбилинэн кэрэ "обвес" (телефон киэргэлэ) оҥорууга үөрэннилэр. Хас биирдии оҕо бэйэтин баҕа санаатынан оҥордо. • Истиҥ кэпсэтии: "Дьиҥнээх принцесса хайдах буолуохтааҕый?" диэн тиэмэҕэ кэпсэтии буолла. Принцесса буолуу — киэргэл эрэ буолбатах, киһи ис кэрэтэ, үтүө майгыта, атын дьоҥҥо сыһыана уонна өйө-санаата буоларын туһунан санаа атастастыбыт. • Чэй иһии: Тэрээһин түмүгэр кыргыттарбыт маанылаах остуол тула олорон, истиҥник кэпсэттилэр, бу күнү олус астынан бэлиэтээтилэр. Бары принцессаларбытын итиитик-истиҥник эҕэрдэлиибит! Куруук дьоллоох, кэрэ, үтүө санаалаах буолуҥ!