Бүгүн, алтынньы 3 күнүгэр, биһиги оскуолабытыгар Аан дойдутааҕы Кыыллары көмүскээһин кү...
Бүгүн, алтынньы 3 күнүгэр, биһиги оскуолабытыгар Аан дойдутааҕы Кыыллары көмүскээһин күнүгэр анаммыт тэрээһин ыытылынна. Бу күн биһиги кыылларга болҕомтобутун уурар, кинилэри харыстыырга ыҥырар ураты бэлиэ күн буолар. Тэрээһин кэмигэр оҕолор бэйэлэрин кыылларын туһунан истиҥник кэпсээтилэр. Хас биирдии оҕо дьиэтигэр хайдах дьиэ кыыллааҕын, кини хайдах характердааҕын, тугу сөбүлүүрүн уонна кыылын кытта хайдах оонньуурун, хайдах харыстыырын сэһэргээтэ. Ким эрэ куоскатын, ким эрэ ытын, ким эрэ кроликтарын туһунан кэпсээтэ. Бу кэпсэтиилэр оҕолор кыылларга тапталларын, кинилэргэ эппиэтинэстээх сыһыаннарын көрдөрдүлэр. Ону таһынан, оҕолор кыыллары хайдах харыстыахха, хайдах көмөлөһүөххэ сөбүн туһунан санааларын үллэһиннилэр. Бу тэрээһин оҕолорго кыылларга үтүө сыһыаны иҥэрэр, айылҕаны харыстыырга, кырачаан доҕотторбутун таптыырга иитэр. Хас биирдии кыыл олоҕо суолталаах! Кинилэри харыстыаҕыҥ! #Росдетцентр #НавигаторыДетства #ДеньЗащитыЖивотныхНД