Детективная история в нашей ночной рубрике #Тыва_коргунчуг_чугаалар
Детективная история в нашей ночной рубрике #Тыва_коргунчуг_чугаалар Сохранена орфография автора Аныяк истекчи чаа-ла 3 хире чыл ажылдап алгаш турда, ооң уйгу-дүжүнге ийи-бир катап танывазы уруг кирип каап чоруп турган-дыр. Хилинчектеттирген кижи ышкаш алгы-кышкырар болган. Ол оол эгезинде херекке албайн турган. Оон шуут ол уруг ол истекчиниң дүжүнге хүннүң кирер апарган. Бир дүне аныяк эрниң дүжүнге база ол уруг чедип келген. Ыглап турар болган. Арны дырбактарлыг, чажы салбагар, чудап каан чугажак ак платьелиг аныяк кыс болган. Имненип-ле турган-дыр ол уруг, оон шуут ол оолду тургуза тырттып эгелээн. Истекчи корткаш тура халып кээрге, ону авазы оттуруп турар болган. - Бо канчап бардың, оглум?? - деп, иези айтырган. - Дүжүмге... - дээш, оол шуптузун чугаалаан. Авазы эртенинде истекчини хамче киирген. Хам тургаш: "Силерден дуза дилеп турар уруг-дур. Чок апарган хевирлиг. Таптыг дыңнап-билип алыңар, ам бир катап дүжүңерге келзе!" - деп чагып-сургааш артыжап каан. Ол дүне ол уруг-даа истекчиниң дүжүнге келбээн. Барык бир хире неделя келбээн. Оон оол-даа ажылынче сагышсырааш, ол уругну-даа уттуп эгелээн. Канчап-ла ийик, төндүр илереттинмээн кемниг херектер шинчилеп оргаш, читкен уруг дугайында документилер көрүп каан. 3 чыл бурунгаар ис чок чиде берген аныяк кыстың чуруун көргеш, истекчиниң эъди-кежи соолаңайнып, карактары уштуна бер часкан. Оолдуң дүжүнге кирип турган уруг болган. Олчаан-на истекчи ол херек-биле ажылдааш турупкан. Ийи хире неделя кызып ажылдаан үениң түңнелинде истекчи ол уругнуң барып хонуп турган бажыңнарын шуптузун тодаргайлап алган. Оларны эргий кезипкен. Чаңгыс-ла бир суурда бажың чиктиг болган. Аңаа ол уругнуң кырган иези чурттап тургаш, кызыл дустаан бооп турар. Истекчи ол бажыңга баарга, херим дашты чүү-даа чок кылдыр чашпанналып каан, кижи-даа изи чок, херим эжиин иштинден дээктеп каан, шагда-ла октаттынып каан ээн бажың болган. Аныяк эр херимни ашкаш, бажыңны көрүптер деп бодааш бар чыдырда, кожазында бажыңдан бир ашак үнүп келгеш, "Ынаар кирбе! Мээң черим-дир! Кым-даа ынаар кирбезин!" - деп чаза-ла хорадаан. Истекчи чычаанын мунупкаш, Кызылче хапкан. Ол дүне демги уруг ам-на дүжүнге киргеш: "Дүъште мээң чанымга кээп чордуң, эртен катап чедип кел. Өршээп көр!" - деп дилээн-дир. Эртенинде истекчи өске шагдаалар-биле катчып алгаш ол бажыңче барган. Чалыы кыстың сөөгүн бажыңның шалазының адаанда чажырып каан болган. Дүжүнге кирип турган ак платьезин кедип ааш чыткан... Истелге ажылы соонда билдинип келзе, ол уруг чажында ойнап өскен кырган-авазының бажыңын көрүп аар дээш чеде бээрге, кожазы ашак оорланып турган. Ооң-биле маргышкаш, дерзии ашактың холундан амы-тыны үстү берген...