ХЕЙ-АЪТ КЫЙГЫЗЫ — 10 июня 2026 г. в 05:25:35.769
ХЕЙ-АЪТ КЫЙГЫЗЫ Ѳгбелерниң ѳндүр чаагай маадырлыг тоолдарының кезектери… Аът дугайында тоол Шыяан ам! Шыяан ам, эртенгиниң эртезинде, Бурунгунуң мурнунда Ирт-серге мыйызы ирип дүжүп турар шагда, Делегейниң дескизинге, Октаргайның ортузунга мунуп тудар, Дээрниң ак, кара булудун Ийи кулаа-биле өрү-куду көжүрүп мунар, Даглыг черни шөл кылдыр мөөп турар, Суглуг черни кургады мөөп турар, Чүгүрүк аът-даа чоруп-тур эвеспе. Хоюп-хоюп базарга, коъдан дег чер хоорлуп, Тайып-тайып базарга, даг-дашты далганналдыр, Бедик черниң белинге тепсип, Чавыс черниң бажынга тепсиптерге Дээрниң сылдызы муң чүс черге тоглап, Черниң довураа дээринге шаштыгып, Айның караан кудуруу-биле дуглаар, Хүннүң караан чели-биле дуглаар, Хөл болган хөлбең кара чонактыг, Арт болган аңгайган-кеңгейген эзерлиг, Тос каът хөндүргезин хөндүргелээн, Алды каът кудургазын кудургалаан, Алдан ийи колун-чиримин авый-шавы- тырттынган, Алдан эр аргажып сугар алдын чулар чүгенниг, Алдын довурзак кымчылыг, Дериг-херексели дендии чараш Доостунуп-дөгертинер аъдын-даа Арат-чону алгап, йөрээп амдыгаа дээр Ыдыктап-даа чоруур чүвең иргин, оо! Сѳзүглелдиң тургузукчузу: Алена Хорбаа Аялгазы: Андрей Монгуш Үн бижидикчизи: Шораан Салчак Күүселдези: Айдаш Барыңмаа Чурук каасталгазы: Айлаң Пириней Хүндүлүг чонувус! Үш ыдык оюннарывыстың байырлыг чыскаалдарынга ук материалды салып ап турарын сүмеледивис!