💐Улусчу ус-тывыш хүнү-биле! — 21 июня 2026 г. в 03:05:52.422
💐Улусчу ус-тывыш хүнү-биле! 2022 чылдың июнь 17-де Россия Федерациязының Президентизи В. В. Путинниң Чарлыы ёзугаар июнь айның үш дугаар улуг-хүнүн Улусчу ус-тывыш хүнү кылдыр чарлап доктааткан. Бүгү Россия ук байырлалды бо хүн демдеглеп эрттирип турар. Бурун шагдан бээр бистиң өгбелеривис дарганнарны, чазаныкчыларны, ус-шевер улусту онза хүндүлээр, оларның ажыл-ижин аажок үнелээр чорааннар. Ол чаагай хүндүткел үе-шагның агымынга-даа алыспаан, бо хүннерге чедир бүдүн-бүрүнү-биле дамчып келгени билдингир. Амгы үеде республиканың ус-шеверлериниң ак сеткилдии-биле кылган янзы-бүрү ажылдарын бедик үнелеп, оларның бүдүрген эт-севин чоргаарал-биле эдилеп чоруур улус бистиң аравыста эвээш эвес. Хүндүлүг ус-шеверлер – улусчу ус-тывыштың камгалакчылары болгаш бүдүрүкчүлери! К. Б. Ондар аттыг Тыва улустуң ёзу-чаңчылдарының, аас чогаал болгаш ус-шеверлер төвүнүң өмүнээзинден силер бүгүдеге Улусчу ус-тывыш хүнү таварыштыр чылыг-чымчак байырны чедирип, чымыштыг ажыл-ижиңерге сайзыралды болгаш чедиишкиннерни сеткиливис ханызындан күзедивис! Хей-аъдыңар кезээде бедик болурун йөрээп тур бис!🙏🏻 #ДеньНХП