ТЫВА ЧА АДАР ОЮН: БАГ АДАР ХЕВИРИ — 19 июня 2026 г. в 02:27:49.758
ТЫВА ЧА АДАР ОЮН: БАГ АДАР ХЕВИРИ Хүндүлүг чонувус! Июнь 18-те Тес-Хем кожууннуң Ак-Эрик сумузунуң «Шыдың-Оваа» деп черге мергеннер маргылдаазы болуп эрткен. Ук хемчег Соян Сандаңмаа Кур оглунуң кара аъдын «Контр аът» деп чарлаанындан бээр 88 чыл оюнга, «Эзир-Кара» тураскаалын мөңгежидип тургусканындан бээр 33 чыл оюнга тураскааткан республика чергелиг «Тыва ча адар оюн: баг адар хевиринге» Тыва төптүң ус-шевери, Тыва Республиканың "Тыва ча" федерациязының Президентизи, «Шагаа Мергени» деп хүндүлүг аттың эдилекчизи Монгуш Артыш Борбак-оолович I черни чаалап алгаш, Чаваа аътты шаңнал кылдыр алгаш, Ак-Эрик сумузунуң хөй ажы-төлдүг өг-бүлезинге белек кылдыр бергени улуг буянныг чорук дээрзин демдеглеп тур бис. Каң дег быжыг кадыкшылды, моон-даа соңгаар согуннуңар оккур болурун, чедиишкиннер доктаап турар болурун йөрээдивис!