💐БАЙЫР ЧЕДИРИИШКИНИ — 20 июля 2026 г. в 04:37:07.874
💐БАЙЫР ЧЕДИРИИШКИНИ Бо хүн чырык чер кырынга чаяттынып төрүттүнүп келгенин Тываның алдарлыг артизи, Тыва Республиканың улустуң хөөмейжизи Барыңмаа Айдаш Иванович демдеглеп турар. Айдаш Барыңмаа - Тываның база бир билдингир хөөмейжизи болгаш ыраажызы. Тыва чоннуң аас чогаалын нептередир болгаш сайзырадыр буянныг үүлени бодунда ала чайгаар сиңирип, иштики делегейиниң бай-байлаа болгаш чер-чуртунга ынакшылы-биле чонунуң сонуургалын хаара тудуп чоруур тускай салым-чаяанныг кижилерниң бирээзи. Ол өскелерден бодунуу-биле ылгалдыг, кайгамчык чечен-мерген, тускай көрүштүг кижи. Айдаш Барыңмаа чүгле хөөмейжи эвес, а тыва чоннуң маадырлыг тоолдарының бурунгу хевирлериниң билдингир күүседикчизи база ханы уткалыг мактал хевириниң тергиин салыкчызы. Өгбелерден дамчып келген ховар эртинези - тыва чоннуң аас чогаалының хевирлерин кижи болганы күүседип шыдавас, ону чүгле иштики делегейи херии-делгем, дидим чүреккир кижилер күүседир. Хүндүлүг Айдаш Иванович, өөрүшкүлүг хүнүңерде Силерге каң дег быжыг кадыкшылды, сүлде-сүзүүңер, хей-аъдыңар улам киискип чоруурун кады ажылдап чоруур эштериңер йөрээп күзедивис! Курай! Курай!