Хүндүлүг чонувус! — 24 августа 2026 г. в 06:00:24.098
Хүндүлүг чонувус! Черниң чаражы - Тыва, Чемниң дээжизи - хымыс! Август 28-те 10:00 шакта бүгү Россияның өг-бүлелер мөөрейиниң "Ёзу-чаңчылдар кадагалакчылары" деп номинациязының тиилекчилери - Ланааларның өг-бүлези Тес-Хем кожууннуң Ак-Эрик суурунуң Ак-Кежиг деп чайлаанга Тыва үндезин культура төвү, Тыва Республиканың туризм комитеди болгаш Тес-Хем кожууннуң культура эргелели-биле кады демнежип “ХЫМЫС БАЙЫРЛАЛЫН” эрттирерин дыңнадып тур! Программа: - Мастер-класс "Хымыс бүдүрериниң бурун хевири"; - 15-18 харлыг оолдар аразынга кулунну сыдымнааш бени эдириптеринге мөөрей болур (командага 2 кижи турар) дадывыры 1 кижиниң 500 акша. Киржикчилер паспорт, страховкалыг болур. Ада-иезиниң хол үжүү. - Келген аалчылар аразынга кожамыктар, тыва хеп мөөрейи. Шаңналдары Тываның чараш булуңнарынче өг-бүлези биле дыштаныр сертификаттар. - Лотерея ойнаашкыны, өртээ 1000 акша. Шаңналдары - тыва кызырак, кулун, хымыс; Хымыс ,сүтүг шай, изиг мүн ,далган-хуужуур садып турар . ❗️Кээрде кижи бүрүзү паспорт ап алыр. Кызыгаар албаны хынап турар. Харылзажыр дугаарлар: 8 923 261 78 99 8 923 262 84 32 Ланаа Күр-Дагба Хорлай-оолович Көрүкчүлерге кирери халас. Ылаңгыя элээди ажы-төлдү эдертип алгаш чайлагны, чылгы малды сонуургадырынче чалап тур бис!