🎶 Дагдыныкчы башкыларым
🎶 Дагдыныкчы башкыларым Сөзү: Орлан Дамба-Хуурак Аялгазы: Андрей Кулундарий Авыралдыг башкыларым Авам ышкаш, ачам-даа дег Азарганчыг чажымдан бээр Аайлыг оруум айтыкчызы Ынай чашты кижидикчи Ынакшылдыг уткуп алыр Дагдыныкчы башкыларым Даады сургап, өөредип каар Кожумаа: Башкыларым, башкыларым Байлак сеткил чаяакчызы Башкыларым - дагдыныкчым Байгы билиим хайырлааннар Кижилерниң кандыг боору Кичээнгейлиг башкылардан Сени эртем чедирер дээш Сеткилдерин өргүптерлер. Дагдыныкчы башкыларны Даады сактып, хүндүлээли Башкыларның чагыг-сөзүн Бардамнанып уттуп болбас Кожумаа Амыдырал-чуртталганың Амыр эвес делгеминче Арга-сүме кадып чорааш Арамайлап үдеп каарлар Доостуруп, үндүрзе-даа Доозазын сактып чоруур Энерелдиг башкыларга Эглип келгеш, мөгейээли Кожумаа Тыва ырылар | @channel_tuvamusic