ФОТОВИДЕОФАКТ — 12 июня 2026 г. в 08:00:08.992
ФОТОВИДЕОФАКТ Бүгүн Покровскайга СӨ Бастакы президенэ Михаил Николаев болуоссатыгар Россия күнүн бэлиэтиир үөрүүлээх тэрээһин буолла. Манна Ил Түмэн бэрэссэдээтэлин солбуйааччы Афанасий Владимиров, Хаҥалас улууһун баһылыга Сергей Гребнев, Хаҥалас улууһун военкома Александр Репин, бэтэрээннэр, байыаннай дьайыылар кыттыылаахтарын Координационнай сэбиэтин бэрэссэдээтэлэ Тит Захаров кытыннылар, мустубут дьону дойдубут бэлиэ күнүнэн эҕэрдэлээтилэр. Тэрээһин биир сүрүн чааһынан Анал байыаннай дьайыыга кытта сылдьан олохтон туораабыт байыаннай сулууспалаахтар чугас дьонноругар судаарыстыбаннай наҕараадаларын туттарыы буолла. Ольга Гермогенова. Ааптар хаартыскаҕа түһэриитэ, видеоҕа устуута. @gazetahangalas Газета «Хангалас» в МАХ: https://max.ru/join/EMcGjeReldjRsN-wEC3qjk3EM5JlIYb-KMZvwzUmnRM ВКонтакте: https://vk.com/gazetahangalas