⚡️ Солдатовтар Өлөөн олохтоох элбэх оҕолоох дьиэ кэргэнэ. Ийэлэрэ Дора Кононовна нэһили... — 30 августа 2026 г. в 13:30:01.271
⚡️ Солдатовтар Өлөөн олохтоох элбэх оҕолоох дьиэ кэргэнэ. Ийэлэрэ Дора Кононовна нэһилиэк, улуус активистката, баан үлэһитэ. Дьоно табаһыттар. Табаттан барыны бары астыыллар, тигэллэр, ийэтэ Надежда Павловна биллиилээх норуот маастара. Кэргэнэ Иван Александрович билигин самозанятай быһыытынан сылдьар, ааттаах булчут, балыксыт – айылҕа киһитэ. Эрдэ Өлөөҥҥө элбэх дьиэни тутан дьэндэппит уопуттаах тутааччы. 👍 Улахан уоллара Саша 18 саастаах, «Арктика» оскуолатын ситиһиилээхтик бүтэрэн Харбинскай политехническай университекка киирэн ыал устудьуоннаммыт. Иккис оҕо Алина ахсыс кылаас, онтон ортокулара Марсель бэһис кылаас үөрэнээччитэ – спорка тардыһыылаах, интэриэстээх, боксаҕа анаан-минээн дьарыктанар. Самия үһүс кылааска таҕыста. Матвейдара кырачааннара оҕо уһуйааныгар сылдьар, ыал мааныта. Солдатовтар дьиэлэрэ-уоттара тэтиэнэх, аныгылыы тупсаҕай. Эдэр ыалларга диэн көмөнү туһанан Өлөөҥҥө элбэх ыал дьиэ туттубут эбит. Солдатовтар ону ааһан тиэргэннэригэр сынньалаҥ дьиэтэ, баанньык, гараж тутуулара бааллар. Дьиэлээхтэр оҕуруот туталлар, тыйыс усулуобуйалаах диэбэккэ кууруссалаахтар, хоруудаҕа хортуоска олордоллор, оҕолор баҕаларын хоту бэйэлэрэ оҕурсу, помидор сиэн сайылыыллар 👌 Ыал аҕата Уйбаан булт тематын көтөҕөр. Табаҕа, балыкка лицензия элбэтэргэ туруорсар, улаханнык кыччаата диир. Эдэр ыалы кытта ирэ-хоро кэпсэттим, кыһалҕаларын, инники быланнарын билистим. Уоллара Марсель ДЮСШ боксаҕа секциятыгар дьарыктанарын үөрэ иһиттим уонна өйдөбүнньүк хаартыскаҕа түһэн көрсүһүүбүт түмүктэннэ 🤝 «Макс»-каналбар суруттарыаххын сөп ✅