1-кы Тыыллыма нэһилиэгэр оскуола 110 сыллаах үбүлүөйэ үрдүк таһымнаахтык бэлиэтэннэ
1-кы Тыыллыма нэһилиэгэр оскуола 110 сыллаах үбүлүөйэ үрдүк таһымнаахтык бэлиэтэннэ 1️⃣1️⃣0️⃣🌿 Алтынньы 3 күнүгэр 1-кы Тыыллыма нэһилиэгэр үөрэх кыһата аһыллыбыта 110 сылын уруйдуур сүдү суолталаах тэрээһин буолла. Нэһилиэккэ маҥнайгы оскуоланы 1916 сыллаахха Аһыкай алааска бастакы гильдиялаах атыыһыт Гаврил Васильевич Никифоров – Манньыаттаах Уола астарыаҕыттан ыла үйэ ордугуна 10 сыл ааста. 🏫 Бэлиэ күҥҥэ С.З.Борисов аатынан 1-кы Тыыллыма нэһилиэгин орто оскуолатын кэлэктиибин, үлэлээн ааспыт педагогтарын, араас сыллардаах выпускниктарын үбүлүөй «Сырдык аартык суолунан» үөрүүлээх чааһыгар улуус баһылыгын инфраструктураҕа уонна ОДьКХ боппуруостарыгар солбуйааччы Василий Филиппов, СӨ Бырабыыталыстыбатын бэрэссэдээтэлин көмөлөһөөччүтэ, Тыыллыма нэһилиэгин бэпэчиитэллэрин сэбиэтин бэрэссэдээтэлин солбуйааччы Саргылана Леонтьева, «Сулус» өрөспүүбүлүкэтээҕи успуорт-чэбдигирдэр комплекс дириэктэрэ, СӨ 5-с уонна 6-с ыҥырыылаах Судаарыстыбаннай Мунньаҕын (Ил Түмэн) дьокутаата Юрий Баишев, улуустааҕы үөрэх управлениетын начаалынньыгын солбуйааччы Эльмира Апросимова, улуус үөрэҕириитин биир идэлээхтэрин сойууһун бэрэссэдээтэлэ Иннокентий Скрябин, нэһилиэк баһылыга Руслан Афанасьев, Хотугулуу-Илиҥҥи федеральнай университет доцена, профессор, педагогическай билим хандьыдаата, Мэҥэ Хаҥалас улууһун уонна 1-кы Тыыллыма нэһилиэгин Бочуоттаах гражданина, 8 кылаастаах оскуола выпускнига Галина Попова – Санаайа, орто оскуола бастакы выпускниктарын ааттарыттан Марианна Осипова эҕэрдэлээтилэр, наҕараадалары туттардылар. 🌎 Үөрэх, билии бырааһынньыгын «Оҕо этим – отон этим» диэн иккис чааһыгар ыраахтан-чугастан кэлбит 7 кылаастаах, 8 кылаастаах оскуолаттан саҕалаан билиҥҥи выпускниктарга тиийэ сэлэлии хаамыыга кытыннылар, оһуокайга түмүстүлэр. 📚 Үбүлүөйдээх тэрээһиҥҥэ ыалдьыттары алгыстаах алаадьынан көрсөннөр «Оҕо сааһым ыллыгынан» экскурсияҕа сырытыннардылар, «Олох үөһүгэр» выпускниктарга кылаас чаастарын, “Кустук өҥнөөх оҕо сааһым”, «Дьоро күн сандалыта» бырааһынньык остуолун, «Оҕо саас кустуга» эҕэрдэ кэнсиэри уонна «Ааспыт кэм ахтылҕана» көрсүһүү дьоро киэһэтин ыыттылар. Сиһилии уонна элбэх хаартысканы БУ СИГЭНЭН киирэн билсиҥ ⬅️ @gazetaerkeii @ulusmedia