Василий Местниковка аналлаах «Сөргүтүү. Сүгүрүйүү. Сайдыы» бырайыак үлэтин саҕалаата
Василий Местниковка аналлаах «Сөргүтүү. Сүгүрүйүү. Сайдыы» бырайыак үлэтин саҕалаата 🏛️ Алтынньы 9 күнүгэр Аллараа Бэстээх бөһүөлэгэр ССРС, Саха АССР норуодунай артыыһа, Саха АССР ускуустубатын үтүөлээх диэйэтэлэ аата иҥэриллибит култуура сайдыытын киинигэр Василий Васильевич Местниковка аналлаах «Сөргүтүү. Сүгүрүйүү. Сайдыы» бырайыак сүрэхтэннэ. Бырайыак биир дойдулаахпыт үтүө аатын үйэтитиигэ, киэҥ эйгэҕэ билиһиннэриигэ ананар. 🎭 Дьоһун тэрээһин бастакы аҥаарыгар Василий Местников олоҕун, үлэтин, култуура сайдыытыгар сүдү кылаатын туһунан дьиэ кэргэнин, кэллиэгэлэрин, култуура эйгэтин үлэһиттэрин, бэтэрээннэрин ахтыыларынан улахан экраҥҥа видеоролигынан, киин бибилэтиэкэрэ Анна Бурнашева, И.М.Сосин аатынан улуустааҕы киин бибилэтиэкэ ааҕар салаатын кылаабынай бибилэтиэкэрэ Наталья Басова, РФ, СӨ култууратын үтүөлээх үлэһитэ Василий Винокуров-Кыталык Баһылай сиһилии билиһиннэрдилэр. 🎼 Сүдү суолталаах күҥҥэ Аллараа Бэстээхтээҕи «Кыталык», «Ай-тыын» үҥкүү ансаамбыллара, П.А.Ойуунускай аатынан Саха академическай тыйаатырын артыыһа СӨ норуодунай артыыһа Николай Протасов, А.К.Сивцев–Суорун Омоллоон аатынан судаарыстыбаннай опера уонна балет тыйаатырын артыыстара СӨ норуодунай артыыстара Николай Попов, Анегина Дьяконова, Александр Емельянов, Владимир Заболоцкай уонна концертмейстер Александра Трофимова айар дьоҕурдарын көрдөрөн тэрээһин таһымын өссө үрдэттилэр. 🎤 Бырайыак ааптара, култуура сайдыытын киинин дириэктэрэ Ирина Назарова тосхол сүрүн ис хоһоонун, сыалын-соругун бар дьоҥҥо сырдатта. 🔸 Василий Местниковка аналлаах “төгүрүк остуолу” М.К.Аммосов аатынан ХИФУ доцена, педагогика билимин хандьыдаата, биир дойдулаахпыт Марианна Билюкина салайда. Сиһилии ◀️ @gazetaerkeii @ulusmedia