🎖️Арассыыйа Дьоруойа Александр Находкин Уус Алдаҥҥа сырыытын төрүттэрин дойдутуттан Ту...
🎖️Арассыыйа Дьоруойа Александр Находкин Уус Алдаҥҥа сырыытын төрүттэрин дойдутуттан Тумултан саҕалаата. Кини Кыайыы болуоссатыгар сибэкки дьөрбөтүн ууран баран, олохтоох кулуупка нэһилиэнньэни кытта көрүстэ. Тумуллар Дьоруой уолларын сүһүөхтэрин үрдүгэр туран уруйдуу-айхаллыы, киэн тутта көрүстүлэр. Олохтоох дьаһалта баһылыга Константин Копырин баҕа санаатын, эҕэрдэтин этэригэр Александр Находкиҥҥа убаһа бэлэхтиирин иһитиннэрдэ. Оттон Александр Егорович Тумул бөһүөлэгин олохтоохторугар: – Мин Тумулу дойдум диирим оруннаах. Оҕо сааһым кэрэ сайыннара манна ааспыттара. Хаан-уруу аймахтарым манна олороллор. Дьоруой буолар – эппиэтинэс. Мин ыччат, бүтүн норуот иннигэр эппиэтинэстэнним. Барыта ыра санааттан саҕаланар. Ыччакка туһулаан ыра санааланыҥ, олоххо чопчу сыалланыҥ диэн этэбин. Инникитин Уус Алдан улууһугар, Тумулга көмөлөһөр санаалаахпын. Өрүү бииргэ тутуһан сылдьыах, – диэн санаатын тиэртэ. ✍️Наталья Попова 📹Анна Горохова 📲Мах-каналбытыгар сурут ⬇️ https://max.ru/channel_ua_murusahargata 🌐https://мюрюгазета.рф/ ✅ @uamurusahargata @ulusmedia