2023 сыллаахха Улус.Медиа устуудьуйатыгар суруналыыс Иван Ушницкай СӨ судаарыстыбаннай,...
2023 сыллаахха Улус.Медиа устуудьуйатыгар суруналыыс Иван Ушницкай СӨ судаарыстыбаннай, уопсастыбаннай диэйэтэлэ Матвей Мучины кытта көрсөн турардаах 💬 Ол кэпсэтиигэ Матвей Васильевич СӨ бастакы бэрэсидьиэнэ Михаил Николаевы кытта алтыспыт сылларын, чуолаан СӨ бэрэсидьиэнин иһинэн Каадырдары билгэлиир, бэлэмниир уонна аттаран туруорар департамены салайа сылдьан, Михаил Ефимовиһы кытта биир сүбэнэн үөрэхтээһин сайдыытыгар туох үлэни ыыппыттарын ахтыбыта. Итиэннэ: «Биһиги улуу киһибитин үйэтитэр дьаһаллары күүскэ ылыахпытын наада. Ол үйэтитиибит саха норуотугар, кини ыччатыгар, инники олохпутугар саамай улахан төһүү буолуо этэ. Өскөтүн, биһиги Михаил Ефимович этэн хаалларбыт кэс тылларын, кэриэс тылларын, үөрэҕириини, доруобай буолууну, чөл олохтоох буолууну киллэрдэхпитинэ, билиҥҥи үйэҕэ сөп түбэһэр, инновационнай тыыннаах, үрдүк технология кэлбит бириэмэтигэр сөп түбэһэр өйдөөх-санаалаах буоллахпытына, атын норуоттары кытта тэҥҥэ барыахпыт диэн кини этиитэ саамай сөптөөх. Онно биһиги ыччаппыт дьулуһуох кэриҥнээх», - диэн Матвей Мучин олус мындырдык бэлиэтээн ааспыта. Сиһилии бу сигэнэн киирэн, икки чулуу дьон доҕордуу сыһыаннарын, инники анаарыыларын, олоҕу көрүүлэрин, саха норуотугар кэс гынан хаалларбыт кэскиллээх этиилэрин туһунан истэргитигэр ыҥырабыт ⬇️ 🎧https://ulus.media/2023/10/12/matvej-muchin-mihail-nikolaev-saamaj-syryne-saha-yerehteeh-buoluuta-diire/ @ulusmedia