Эбэ күөл балыгыттан бэристэ
Эбэ күөл балыгыттан бэристэ Покровскай куорат дьаһалтата (баһылык Виктор Константинов) уонна «Эргис» аҕа сүбэтэ (бэрэссэдээтэл Петр Дмитриев) тэрийиилэринэн Чараҥҥа Эбэ күөлгэ муҥха буолла. Муҥха, дьэ бу кырдьык даҕаны, саха дьонугар олус күүтүүлээх, улахан үөрүүлээх тэрээһин. Эбэ күөл кытылыгар аҕа сүбэһиппит Дьөгүөр Парфенов аал уотун оттон Күөх Боллох Тойонтон көрдөһөн арыылаах алаадьынан, үрүҥ аһынан айах тутта, алгыс эттэ. Муҥхаҕа оҕолуун-улаханныын 60-ча киһи сырытта. «Эргис” аҕа сүбэтин чилиэннэрэ уонна оҕолор биирдии куул балыктаах тарҕастылар, ордугун Анал байыаннай дьайыыга сылдьар буойуттарга уонна кинилэр дьиэ кэргэттэригэр, итини сэргэ аҕам саастаах дьоҥҥо өлүүлээн биэрэргэ быһаардылар. Сиһилии: https://ханаласгазета.рф/79636-2/ Уйбаан УЙГУУРАП, ааптар хаартыскаҕа түһэриитэ уонна видеоҕа устуута. @gazetahangalas Газета «Хангалас» в МАХ: https://max.ru/channel_Hangalas ВКонтакте: https://vk.com/gazetahangalas