🏹Сэтинньи – Байанай ыйа
🏹Сэтинньи – Байанай ыйа Баай Байанайы, аар тайҕа иччилэрин оҥоһуктарын айылҕа матырыйаалыттан, кыыл-сүөл уҥуоҕуттан, муоһуттан оҥорор Уһун Күөл бөһүөлэгин олохтооҕо Саргылаана Копырина быйыл эмиэ сувенирдарын саҥарта. Ол курдук киниэхэ ынах муоһугар балык хатырыктарыттан, уҥуохтарыттан чочуллубут уу иччитэ Күөх Боллох, эрэкэ-дьэрэкэ оҕолордоох Аан -Алахчын хотун, Баай Байанай араас оҥоһуктарыгар быйыл тайах кулгааҕыттан, туйаҕыттан оҥоһуллубут кыылларынан-сүөллэринэн арыаллата сылдьар Баай Байанай, уот иччитэ Хатан Тэмиэрийэ - саҥа үлэлэрэ эбилиннилэр. Саргылана бу оҥоһуктарын аан бастаан оҕо саадын сорудаҕынан оҥорон саҕалаабыт, онно биһирэнэн, кынаттанан бэйэтэ быыс буллар эрэ маннык кыыл-сүөл, ынах, туртас муоһуттан, туйахтарыттан папье-маше технологиятынан сахалыы оҥоһуктары айан, чочуйан иллэҥ кэмигэр сынньанар эбит. Саргылана оҥоһуктарыгар омуннаах олоҥхо, иччилээх хара тыа күүһэ, өбүгэбит сиэрэ-туома арыллан көстөр. Оҕо аймах, ыччат сиэргэ-туомҥа үөрэнэригэр биир бэртээхэй холобурунан буолар үлэлэр👍 ✍️Екатерина Захарова 📲Мах-каналбытыгар сурут ⬇️ https://max.ru/channel_ua_murusahargata 🌐 https://мюрюгазета.рф/ ✅ @uamurusahargata @ulusmedia