1-кы Тыыллыма нэһилиэгэр 11 кыбартыыралаах 2 саҥа таас дьиэ үлэҕэ киирдэ
1-кы Тыыллыма нэһилиэгэр 11 кыбартыыралаах 2 саҥа таас дьиэ үлэҕэ киирдэ 🏡 Бүгүн, сэтинньи 3 күнүгэр, 1-кы Тыыллыма нэһилиэгэр «Хаарбах дьиэттэн дьону көһөрүү» федеральнай бырагырааманан аныгы ирдэбилгэ эппиэттиир, толору хааччыллыылаах уопсайа 11 кыбартыыралаах 2 саҥа таас дьиэ үлэҕэ киирдэ. 🏗️ Семен Назаров аатынан уулуссаҕа турар 5 уонна 6 кыбартыыралаах дьиэлэри «Арктика-Строй» ХЭТ тутта. Саҥа дьиэлэр арыллар үөрүүлээх күннэригэр саха омук үгэһинэн алгыс сиэрин-туомун Виталий Никифоров толордо. 👷♂️ 1-кы Тыыллыма олохтоохторун улуус баһылыга Дмитрий Тихонов, «Арктика-Строй» ХЭТ салайааччыта Петр Никифоров, нэһилиэк баһылыга Руслан Афанасьев истиҥник эҕэрдэлээтилэр итиэннэ бар дьон ытыс дохсун тыаһынан доҕуһуоллатан кыбартыыралар хаһаайыннарыгар күлүүстэрин туттардырар. Саҥа дьиэлэр олохтоохторун ааттарыттан Марианна Аргунова махтал тылларын тиэртэ. 🛠️ Эбийиэктэр арыллар бэлиэ түгэннэригэр аалай лиэнтэни Дмитрий Тихонов, Петр Никифоров, Руслан Афанасьев уонна саҥа дьиэҕэ киирбит Василий Аргунов, Марианна Роббек кырыйдылар. 🗣 Дмитрий Тихонов: – Улууспутугар 2017 сыллаахха диэри хаарбах дьиэ туруга иҥэриллибит дьиэлэртэн 90% олохтоохторун көһөрдүбүт, 900-н тахса ыал саҥа кыбартыыраланан турар. Бүгүн эмиэ 1-кы Тыыллыма нэһилиэгэр, Лоомтукаҕа сабыс-саҥа, уопсайа 11 кыбартыыралаах 2 дьиэ арыллар биир улахан үөрүүлээх түгэнигэр кэлэн турабыт. Ону сэргэ өссө 6 нэһилиэкпитигэр күн бүгүн үлэ ыытыллар турар. Онон сотору кэминэн бу үлэлэрбитин түмүктээммит дьоммутугар-сэргэбитигэр саҥа дьиэлэри туттарыахпыт диэн улахан соруктаахпыт. Бу дойдубут Бэрэсидьиэнэ Владимир Путин, Ил Дархаммыт Айсен Николаев дьон-сэргэ олоҕун таһыма үрдүүрүгэр быһаччы үлэлэтэр национальнай бырагыраамалара, өрөспүүбүлүкэбитигэр үлэ-хамнас биир үтүө көстүүтэ буолар диэн бэлиэтээн этэбин, – диэтэ. Сиһилии уонна элбэх хаартысканы БУ СИГЭНЭН киирэн билсиҥ ⬅️ @gazetaerkeii @ulusmedia