РОДИМИР МАКСИМОВ СУВОРОВ МЭТЭЭЛИНЭН НАҔАРААДАЛАННА
РОДИМИР МАКСИМОВ СУВОРОВ МЭТЭЭЛИНЭН НАҔАРААДАЛАННА Сэтинньи 3–5 күннэригэр Дьокуускай куоракка IV «Норуот уонна армия бииргэлэр» диэн өрөспүүбүлүкэтээҕи антифашистскай форум үрдүк таһымнаахтык буолан ааста. Форумҥа Илиннээҕи уонна Соҕуруулуу байыаннай уокуруктартан дэлэгээссийэлэр, өрөспүүбүлүкэбит байыаннай сулууспалаахтара уонна улуустар бэрэстэбиитэлтэрэ көхтөөхтүк кытыннылар. Тэрээһин чэрчитинэн үүнэн эрэр көлүөнэни патриотическай тыыҥҥа иитиигэ аналлаах элбэх суолталаах тэрээһиннэр ыытылыннылар. Генерал-лейтенант Р. Б. Греков гражданнары тус бэйэтинэн көрсөн кэпсэттэ. Форум пленарнай мунньаҕар генерал-лейтенант анал байыаннай дьайыы кыттыылаахтарыгар судаарыстыбаннай наҕараадалары, ону сэргэ гуманитарнай көмөнү тиэрдэр волонтердарга махтал бэлиэлэрин туттарда. Ол курдук, бу күн биһиги киэн туттар биир дойдулаахпыт — Родимир Максимов Аҕа дойду иннигэр көрдөрбүт хорсун быһыытын, бойобуой үтүөлэрин иһин Суворов мэтээлинэн наҕараадаланна. Биһиги дойдубут көмүскэлигэр күн аайы эр санааны көрдөрөн охсуһар хас биирдии буойунунан, хорсун уолаттарынан муҥура суох киэн туттабыт! (Иһитиннэриини Тааттатааҕы КСВО тиэртэ). 📲МАХ|
Канал в каталоге Максиметера
7 397 подписчиков · Новости